sábado, 22 de agosto de 2009

PAN RÁPIDO

Nunca fixen pan, aínda que lle vin a miña nai facelo varias veces. Mirei en moitas ocasións as receitas de pan e cada cal coa súa receita particular, que se masa nai,…Total que o outro día, non sei en que blogue, vin unha receita de pan á que chamaban “pan en cinco minutos”. Como non sabía en que blogue era, puxen a entrada no buscador e son moitas as blogueiras que xa descubriron a receita, se xa hai vídeos e todo. A verdade é que é moi sinxelo de facer, o dos cinco minutos referirase, digo eu, a que non leva máis de 5 minutos preparar a masa, que non o pan en si.
Cando teño invitados resúltame un encordio, ben grande, ter que baixar a por pan, xa non é a primeira vez que lle digo ós invitados que traian pan, e non é plan, porque unha vez que invitas a comer debes invitar con pan e todo. Acabouse o problema, unha vez descuberta a receita, ésta máxica, do pan, vouno facer eu mesma. Os invitados dirán, “ummmmm, que pan tan rico” e eu con chulería, porque require chulería, voulle contestar “fíxeno eu”, aí quedou iso. O que non ten pan é porque non quere.
O que si, vai ser un perigo, porque a min encántame o pan, nunca vou compralo. Así non sei eu en que acabará isto. Ademais con conto de que se pode ter a masa na neveira 15 días, ou iso din por aí, xa o comprobarei, pois pan fresco e quentiño sempre á man.
A receita é moi precisa coas cantidades, pero eu non son capaz de ser precisa e fixen das miñas, botei así, ó tolo, e saíume moi pegañenta (aínda que é igual de pegañenta ca que se ve no video americano, posto máis abaixo), pero se lle botaba máis fariña requiría máis levadora. O caso é que me pasei coa auga, ó primeiro moi coidadosa coas cantidades, pero ó ver que a masa me pedía máis auga, escapóuseme un pouco de máis. De todos xeitos vou poñer a orixinal.

Ingredientes
875 grs de fariña (eu puxen 750 de forza e 100 grs de integral)
11 grs de levadora de panadería seca (dous sobres da marca maicena)
11 grs de sal
400 ml de auga morna (eu ó final, non sei canta puxen)


Elaboración
Introducir tódolos ingredientes nun recipiente amplo, di de plástico, pola orde na que aparecen. Remexer cunha culler de pao, ata que se mesturen ben, e deixar levedar dúas horas, nun lugar sen correntes e tapado con un film ou con un trapo. Coller as porcións que se queiran e como se queiran coas mans enfariñadas. Poñelo na bandexa de forno, con papel de fornear. Facerlle uns cortes na parte superior. Metelo no forno prequentado a 180º cun recipiente con auga no fondo do forno e a esperar 50-60 minutos (supoño que se poderá poñer a máis temperatura, pero téñolle medo ó meu forno porque cando lle poño máis temperatura queimase por fora e está cru por dentro).
Notas: A pesar de ser tan precisos coas medidas non todas coinciden das receitas atopadas na rede. Eu mesma non fun precisa, puxen auga de máis e non pasou nada, saíu un pan estupendo.
Poño dous videos para facer este pan, un en español e outro en inglés (éste último é dos iniciadores desta receita)












3 comentarios:

  1. Mis abuelos, solían hacer ellos, el pan en casa, pero, era pan de centeno, al principio no me gustaba nadaaaaa pero, luego, me acostumbré a su sabor, yo, nunca he hecho pan en casa, eso de amasar, me agobia, jejejejejjejee, pero, tu receta es muy facilita, la verdad
    Te ha quedado estupendo y, me parece muy bien esa chulería para decirles a tus invitados que lo has hecho tú, ¡¡quedas como una reina!!, jajajajaja
    Bicos

    ResponderEliminar
  2. A verdade, Ana, é que con esta forma de facelo e podendo telo na neveira, podemos facer pan cando queiramos. Asegúroche que está boísimo, non ten nada que lle envexar a calquera pan comprado.
    Saúdos

    ResponderEliminar
  3. Holaa!! Ayer hice este pan en casa y esta genial!!..pasaté por mi blog y verás como me quedo..Gracias por compartirlo!! Un abrazo!!!!!

    ResponderEliminar

Cóntame que che parece

Related Posts Plugin for WordPress, Blogger...